រថយន្តក្រុងសាធារណៈឈប់ទទួលសាច់ប្រាក់ពីអ្នកដំណើរ
2017-Apr-01 523 views

លោក ពណ្ណ រាយ   ១ មេសា ឆ្នាំ២០១៧

          សេវារថយន្តក្រុងសាធារណៈនៅភ្នំពេញ បានដាក់ឲ្យដំណើរការនូវប្រព័ន្ធទូទាត់សាច់ប្រាក់ពីអ្នកដំណើរ តាមប្រព័ន្ធអេឡិចត្រូនិចស្វ័យប្រវត្តិ (ATM)​ ដើម្បីជៀសវាងពីការបាត់បង់សាច់ប្រាក់ពីសេវាកម្មមួយនេះ។

          រដ្ឋបាលរាជធានីភ្នំពេញ កាលពីរសៀលថ្ងៃទី២៩ មីនា បានផ្តល់សិទ្ធិទៅឲ្យរដ្ឋាករស្វយ័តដឹកជញ្ជូនសាធារណៈ  រថយន្តក្រុងភ្នំពេញ ចុះហត្ថលេខាលើកិច្ចសន្យាទូទាត់សាច់ប្រាក់ពីអ្នកដំណើរដោយ​ប្រើកាត ATM ពីធនាគារឯកទេស វីង ខេមបូឌា លីមីតធីត។

          លោក ប៉ា សុជាតិវង្ស អភិបាលរាជធានីភ្នំពេញ បាននិយាយថាការប្រើប្រាស់ប្រព័ន្ធនេះ កាត់បន្ថយមន្ទិលសង្ស័យពីសាធារណជន នៃការបាត់បង់ចំណូលពីសេវាកម្មវារថយន្តក្រុងសាធារណៈ។ ហើយចំណុចចាប់ផ្តើមពង្រីកសេវាកម្ម​ដឹកជញ្ជូនសាធារណៈពីទ្រង់ទ្រាយតូច ទៅធំ ដោយជំរុញសេវាកម្មនេះឲ្យចូលទៅក្នុងច្រកចេញចូលតែមួយ ដែលកំណត់ដោយរដ្ឋ ដើម្បីផ្តល់ភាពងាយស្រួលដល់អ្នកដំណើរ។

          លោក អ៊ាន សុខឃីម ប្រធានរដ្ឋាករស្វយ័តដឹកជញ្ជូនសាធារណៈរថយន្តក្រុងភ្នំពេញ បាននិយាយថា ប្រព័ន្ធទំនើបកម្មនេះ ជួយកាត់បន្ថយទៅលើការចំណាយផ្នែក បុគ្គលិកលក់សំបុត្រ និងថ្លៃបោះពុម្ពសំបុត្ររថយន្ត ដោយអនុញ្ញាតឲ្យអ្នកដំណើរទិញសំបុត្ររថយន្តក្រុង ដោយប្រើប្រាស់កាតរថយន្តក្រុង ឬ កាតធនាគារវីង»

          លោក ចូចូ ម៉ាឡូឡូស(Jojo Malolos) អគ្គនាយកនៃធនាគារឯកទេស វីង ខេមបូឌា លីមីតធីត បានថ្លែងថា «វីងនឹងនៅតែបន្តការរួមបញ្ចូលប្រព័ន្ធអេឡិចត្រូនិចលើសេវាកម្មដឹកជញ្ជូនក្នុងប្រទេសកម្ពុជា ដើម្បីផ្តល់ភាពងាយស្រួល តាមរយៈការទូទាត់ផ្សេងៗដល់អតិថិជនដោយមិនប្រើប្រាស់សាច់ប្រាក់»

 

អត្ថបទទាក់ទង

ឥណ្ឌាដាក់ពង្រាយនាវាចម្បាំងត្រួតពិនិត្យចរាចរនាវានៅផ្លូវសមុទ្រម៉ាឡាកា ដើម្បីទប់ទល់ឥទ្ធិពលចិន
មេរងវិទ្យុអាស៊ីសេរីប្រឈមការចាទប្រកាន់រឿងបន្លំខ្លួនចូលពន្ធនាគារព្រៃស ជាជំនួយការគណបក្សប្រឆាំង
៣០ឆ្នាំទៀត ទើបប្រជាពលរដ្ឋខែ្មរមានប្រាក់ចំណូលខ្ពស់ ដែលអាចរួចផុតពីភាពក្រីក្រ
កម្ពុជាចាប់ផ្តើមជំរុញសកម្មភាពពាណិជ្ជកម្មថ្មីមួយសម្រាប់កំណើនសេដ្ឋកិច្ចជាតិ
គណបក្សប្រឆាំងលុតជង្គង់ចំពោះមុខសត្រូវ
ការចំណាយច្រើនលើការកសាងផ្លូវនៅកម្ពុជា ប៉ុន្តែគ្មានគុណភាព
កម្ពុជាសង់មជ្ឍមណ្ឌលសម្រាប់ព្យាបាលជនវិកលចរិកដោយសារគ្រឿងញៀន
គម្រោងអភិវឌ្ឍន៍នៅបឹងកប់ស្រូវប៉ះពាល់ប្រជាពលរដ្ឋរាប់រយគ្រួសារ
CPP ទាមទារឲ្យគណបក្សប្រឆាំងលុបចោលគោលនយោបាយ«ដូរមេឃុំបម្រើបក្ស ដាក់មេឃុំបម្រើរាស្ត្រ»
អ្នកភូមិជ្រោចង្វារតវ៉ាប្រឆាំងនឹងអាជ្ញាធរក្រុងភ្នំពេញរំលោភយកដីរបស់ពួកគាត់
លោក ជា សុផារ៉ា ជំរុញការផ្តល់ប័ណ្ណកាន់កាប់ដីធ្លីដល់ប្រជាពលរដ្ឋឲ្យបានឆាប់
loading...