ការចំណាយច្រើនលើការកសាងផ្លូវនៅកម្ពុជា ប៉ុន្តែគ្មានគុណភាព
2017-Mar-14 330 views

លោក ពណ្ណ រាយ     ១៤ មីនា ឆ្នាំ២០១៧

          តំណាងរាស្រ្តគណបក្សប្រឆាំងបានរិៈគន់ការចំណាយយ៉ាងច្រើនរបស់ប្រទេសកម្ពុជាលើការកសាងផ្លូវ-ស្ពាន ប៉ុន្តែគុណភាពមានកម្រិតទាប។

          លោក សុន ឆ័យ អនុប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម​នៃ​​រដ្ឋ​សភា​កម្ពុជា បានថ្លែងកត់សម្គាល់ថារដ្ឋាភិបាលកម្ពុជា ក៏ដូចជាប្រទេសដទៃទៀតក្នុងតំបន់ មានការចំណាយធនធានច្រើន ក្នុងការនិយោគទៅលើវិស័យសាធារណៈ ប៉ុន្តែមិនមានគុណភាព។

          លោក សុន ឆ័យ បានថ្លែងបែបនេះនៅក្នុងក្នុង​សិក្ខាសាលារួមគ្នាលើក​ទី៧ ស្តីពីបទពិសោធន៍​​ក្នុង​ការតាមដានត្រួតពិនិត្យថវិកាជាតិ និងការគ្រប់​គ្រង​វិនិយោគ​សាធារណៈចាប់ពីថ្ងៃទី១៣-១៤ ខែមីនា ដោយមានការចូលរួមពីសភាកម្ពុជា ឡាវ មីយ៉ាន់ម៉ា និងវៀតណាម (CLMV)។

          លោក សុន ឆ័យ បានបញ្ជាក់ថាប្រទេសកម្ពុជាមានការចំណាយច្រើនទៅលើការកសាងផ្លូវ-ស្ពាន គិតទាំងជំនួយពីបរទេស និងកម្ចី។ «ប្រាក់ដែលកម្ពុជាជំពាក់បរទេស គឺភាគច្រើនខ្ចីមកយកធ្វើផ្លូវថ្នល់-ស្ពាន ហើយជាពិសេសការកសាងផ្លូវថ្នល់នេះ មានការរិះគន់ខ្លាំងណាស់ពីសំណាក់ប្រជាពលរដ្ឋ»។

          លោក សុន ឆ័យ បានបន្តថាការកសាងផ្លូវនីមួយៗមានតម្លៃខ្ពស់ តែមិនសូវមានគុណភាព ដោយផ្លូវថ្នល់នោះឆាប់ខូចទៅវិញ។

          សម្តេច ហេង សំរិន ប្រធានរដ្ឋសភាកម្ពុជា បានបញ្ជាក់ថា​​បើ​​ការ​វិនិយោគសាធារណៈនោះ មិនតម្លាភាព និងប្រសិទ្ធផល ការចំណាយកម្រិតខ្ពស់អាចធ្វើឲ្យឱនភាពថវិកាសេដ្ឋកិច្ច។

          លោកស្រី អ៊ីហ្គូណា ដូប្រាចា (Inguna Dobraja) នាយកគ្រប់គ្រងធនាគារពិភពលោកប្រចាំកម្ពុជា បានស្នើឲ្យអ្នកពាក់ព័ន្ធនឹងការគ្រប់គ្រងថវិកា ត្រូវ​បង្ហាញ​ព័ត៌មានឲ្យបានច្បាស់លាស់ពីការធានា ការបែងចែក និងទូទាត់ថវិកា។

 

អត្ថបទទាក់ទង

ឥណ្ឌាដាក់ពង្រាយនាវាចម្បាំងត្រួតពិនិត្យចរាចរនាវានៅផ្លូវសមុទ្រម៉ាឡាកា ដើម្បីទប់ទល់ឥទ្ធិពលចិន
មេរងវិទ្យុអាស៊ីសេរីប្រឈមការចាទប្រកាន់រឿងបន្លំខ្លួនចូលពន្ធនាគារព្រៃស ជាជំនួយការគណបក្សប្រឆាំង
៣០ឆ្នាំទៀត ទើបប្រជាពលរដ្ឋខែ្មរមានប្រាក់ចំណូលខ្ពស់ ដែលអាចរួចផុតពីភាពក្រីក្រ
កម្ពុជាចាប់ផ្តើមជំរុញសកម្មភាពពាណិជ្ជកម្មថ្មីមួយសម្រាប់កំណើនសេដ្ឋកិច្ចជាតិ
គណបក្សប្រឆាំងលុតជង្គង់ចំពោះមុខសត្រូវ
រថយន្តក្រុងសាធារណៈឈប់ទទួលសាច់ប្រាក់ពីអ្នកដំណើរ
កម្ពុជាសង់មជ្ឍមណ្ឌលសម្រាប់ព្យាបាលជនវិកលចរិកដោយសារគ្រឿងញៀន
គម្រោងអភិវឌ្ឍន៍នៅបឹងកប់ស្រូវប៉ះពាល់ប្រជាពលរដ្ឋរាប់រយគ្រួសារ
CPP ទាមទារឲ្យគណបក្សប្រឆាំងលុបចោលគោលនយោបាយ«ដូរមេឃុំបម្រើបក្ស ដាក់មេឃុំបម្រើរាស្ត្រ»
អ្នកភូមិជ្រោចង្វារតវ៉ាប្រឆាំងនឹងអាជ្ញាធរក្រុងភ្នំពេញរំលោភយកដីរបស់ពួកគាត់
លោក ជា សុផារ៉ា ជំរុញការផ្តល់ប័ណ្ណកាន់កាប់ដីធ្លីដល់ប្រជាពលរដ្ឋឲ្យបានឆាប់
loading...